الرئيس الذكي

ابهرنى الرئيس بذكائه
عندما قرر حضور جنازة المشير عبد الحليم ابو غزاله
مع العلم ان وفاه المشير كانت مفاجأه فلم يكن هناك ترتيب امنى مبيت
فالرئيس فى كثير من الاحيان يلغى او يؤجل زياره ما او يرسل من ينوب عنه
لتقارير امنيه

و لكن قراره بحضور الجنازه من وجهه نظرى
هو اغتيال اخر .

اغتيال لجنازة المشير عبد الحليم ابو غزاله
و حرمانه من جنازة شعبيه تليق بأسم المشير الراحل
المحبوب من جميع القوى السياسيه على مختلف اشكالها
و المحبوب من المؤسسه العسكريه من خدم تحت قيادته للقوات المسلحه و من لم يخدم
لأن الجنازة الشعبيه بسهوله يمكن ان تتحول لمظاهره شعبيه و تكون العواقب غير محسوبه

بعد اغتياله اعلاميا لسنوات طويله جاء اغتيال الجنازه بحضور الرئيس الذكى

مفيش فايده

ايه الحل فى اللبد دى؟؟؟؟؟
بأمانه حاجه تحير و مش لاقيلها حل!

جربنا ثوره شعبيه و سعد سعد يحيى سعد و الجلاء التام او الموت الزؤام و الهلال و الصليب
و مفيش فايده
جربنا الملكيه و عاش الملك و مولانا الخديوى و الملكه فلانه و فلان باشا و فلان بيه
و مفيش فايده
جربنا انقلاب عسكرى و محدش يقول ثوره (العبره بالمسميات و ليست بالاسماء) اللى حصل فى 1952 انقلاب عسكرى مش ثوره
و مفيش فايده

تفتكر ايه الحل
جربنا 4 4 2 و برده مفيش فايده
العيب فين ؟ زيس ايز زا كويستشن

مهندس جعان

وفاة المشير محمد عبد الحليم ابو غزاله

توفى المشير محمد عبدالحليم أبوغزالة وزير الدفاع الاسبق مساء السبت عن عمر يناهز 78 عاما بعد صراع طويل مع المرض.

عاش بطل ومات محبوبا من الجميع
رحم الله رجلا من الرجال الابطال

هشام طلعت مصطفى و سوزان تميم

اليكم مختصر للسيناريو الذى اتوقعه بشده
انتحار محسن السكرى فى سجنه
وطبعا مفيش شبهه جنائيه
و يبقى ركن القضيه الاساسى اللى هو شهاده محسن السكرى
اصبح فى خبر كان
وبالتالى يبقى مفيش عنصر اثبات و تبقى القضيه هلاهيل
ويطعن محامى هشام فى اقوال السكرى

عندما يتحرك النظام لتصفيه المعارضه
ولكن تبقى الحقيقه التى لا تكذب و لا تحتمل التأويل
وستظل الحقيقه راسخه فى وجدان و قلب شرفاء هذا الوطن
دفاع د. ايمن نور عن نفسه فى جلسه رفع الحصانه عنه
الذى يكشف حقيقه المؤامره السياسيه
ويكشف روح الانتقام الحزبى للمعارضه
وربما اتفق او اختلف مع افكار المعارضه
فلكل منا افكاره و قناعاته و اعتقاداته
ولكن لا احد عاقل مع تصفيه الفكر بالارهاب الحكومى
مهندس جعان

حديث مع د. أيمن نور
Meeting with Dr.Ayman Nour
بعد ما سمعتها عرفت هو ليه اتحبس
عدى فى الحوار ده كل الخطوط الحمرا بتاع النظام
وكان لازم يتظبط علشان يتعظ و غيره ياخد عبره
وعلى رأيه
"انا محبوس بتهمه تهديد حلم التوريث"

كتاب (علشان متنضربش على قفاك ) كامل

اضغط على الصوره للتحميل
الكتاب حجمه 22 ميجا يقع فى 231 صفحه
الكتاب تمت مصادرته عقب نزوله الاسواق

لقاء مع مؤلف الكتاب
عقيد عمر عفيفى
من سان فرانسيسكو

اضغط لتحميل اللقاء

حريق مجلس الشورى المصرى

حلقة جديدة من برنامج مع الحدث عن حريق مجلس الشعب والشورى .. نحلل الحدث مع شاهد عيان للحريق من بدايته وهو د. أحمد أبو بركة عضو مجلس الشعب، وحوار من كاليفورنيا مع العقيد عمر عفيفي خبير الحماية المدنية وإدارة الأزمات لتحليل القصور الفني فيما جرى

راديو 6 ابريل

عناوين الاخبار فى الصحف القوميه 2070

تفتكر انت بقى فى عام 2070 هيبقى عنواين الصحف القوميه ايه؟
انا بتخيل انها ممكن تكون كالاتى

السيد الرئيس محمد جمال مبارك يلقى خطاب اليوم بمجلس الشعب بعد فوزه بالفتره الرئاسيه الثالثه خلفا لوالده ولجده

السيده كوكى حرم الرئيس تفتتح مستشفى الامراض النفسيه رقم 1245 لعلاج محدودى الدخل

فريق مبارك يفوز بثلاثه اهداف نظيفه على فريق المريخ فى نهائى دورى ابطال المجره

رئيس الوزراء وصول الدعم لمستحقيه هو هدفنا فى الخطه الخمسيه القادمه

وزير التضامن : انتهاء ازمه الخبز فى 2080 والقضاء على تسرب الدقيق

الحكم فى حادث انفجار المكوك الفضائى الذى قتل فيه اكتر من الف شخص
ببراءه المتهم الرئيسى هيثم ممدوح اسماعيل من التهم المنسوبه اليه

المحكمه الاداريه العليا ترفض الطعن المقدم من حزب الكفاءه على قرار تجميده

مؤتمر الحزب الوطنى يبحث مدى صلاحيه الضبعه للمحطه النوويه ولا بديل عن انشاءها لدعم الطاقه

مجموعه سامح احمد عز تعلن الاسعار الجديده للحديد تسليم شهر نوفمبر بزياده عشره الاف جنيه للطن

المؤتمر السابع و الثلاثين بعد الالف للوحده الوطنيه يبحث مشكله دير ابوفانا

وزير التعليم : تطبيق كادر المعلمين اول اغسطس 2075

وزير البترول: اعاده التفاوض بشأن اسعار تصدير الغاز الى اسرائيل

سيوله مروريه بعد تطبيق قانون المرور الجديد

هبوط فى البورصه و المؤشر يخسر عشرين الف نقطه:والخبراء يؤكدون قوه وصلابه و متانه الاقتصاد القومى

وزير الثقافه : الانتهاء من ترميم الهرم الاكبر بعد ارتفاع مياه الصرف الصحى

القمه العربيه فى الصومال تبحث الشهر القادم نتائج المفاوضات الاسرائيليه الفلسطينيه بعد احداث انتفاضه الاقصى الرابعه و الخمسين

الى حبيبتى (140942)

لسه حبيبى بحلم بيك
يا اول حب حبيته
واخر حب حبيته
يا عمر انا عمري ما نسيته
وحلم انا عيشته يوم وياك
وصدقته و حسيته
بعيش لليوم على ذكراك
على طله عنيك لعنيه لما القاك
و لو فات الزمن ازمان
حبيبي لا يمكن انى انساك
ولو طال البعاد وبعدت
هعيش العمر على ذكراك

قتل المصريين فى البر و البحر و الجو

الحمد لله على قضاءه و قدره
بس احنا مسبناش حاجه بالصلاه على النبى (صلى الله عليه وسلم)
تقوفنا على انفسنا فى الكوارث برا - بحرا - جوا
افتكرت الحكايه دى بمناسبه موضوع العباره
اللى مات فيها تقريبا 1400 بنى ادم
يعنى لا تقولى تيتانك ولا بيبانيك ولا سيسانيك

اولا جوا
---الحادي والثلاثين من أكتوبر/ تشرين الأول 1999: مقتل مئتين وسبعة عشر شخصا في تحطم طائرة بوينج مصرية قبالة ساحل ماساتشوستس الأمريكي بعد نحو ساعة من إقلاعها. ولم ينج في الحادث أي من الركاب

---لسابع من مايو/أيار: تحطم طائرة مصرية تابعة لشركة مصر للطيران في تونس ونجاة معظم ركابها وعددهم 55

---لثالث من يناير/كانون الثاني: مقتل 148 شخصا هم كل ركاب وطاقم طائرة مصرية كانت تقل سياحا فرنسيين في طريقها من مدينة شرم الشيخ الى القاهرة بعد سقوطها في البحر الأحمر.

ثانيا برا
20 فبراير/شباط
كان القطار بتاع الصعيد اللى ولع و الناس اتفحمت جواه
حادثة قطار الصعيد التي راح ضحيتها أكثر من ثلاثمائة وخمسين مسافرا
الأسوأ من نوعها في تاريخ السكك الحديدية المصرية

ثالثا بحرا

• عام 1991 عبارة مصرية أخرى، سالم اكسبريس، غرقت أمام السواحل المصرية بعد الإرتطام بشعاب مرجانية. 464 مصري لقوا حتفهم في هذا الحادث. الحطام الغارق للسفينة الآن أصبح معلَماً لرياضة الغوص.

• في 17 أكتوبر 2005 العبارة "فخر السلام 95"، المملوكة لنفس الشركة صاحبة السلام 98، غرقت بالبحر الأحمر بعد الإصطدام بالشاحنة القبرصية التسجيل، "جبل علي". في تلك الحادثة قتل شخصان واصيب 40، بعضهم في التدافع لمغادرة العبارة الغارقة. بعد إخلاء كل ركاب وطاقم العبارة المصرية جنحت الشاحنة جبل علي، بينما غرقت العبارة فخر السلام 95 في ½3 دقيقة.
• غرقت في 2 فبراير 2006 في البحر الأحمر وهي في طريقها من ضبا المدينة السعودية العائدة من منطقة تبوك إلى سفاجاالبحر الأحمر، فان العبارة كانت تقل 1415 شخصا بينهم 1310 من الرعايا المصريين بالإضافة إلى طاقم الملاحة المؤلف من 104 أفراد وذكرت قناة "النيل" المصرية الرسمية أن 115 أجنبيا على الأقل كانوا على متن العبارة، بينهم 99 سعوديا. وكان معظم المسافرين مواطنين مصريين كانوا يعملون في السعودية وبعض العائدين من أداء مناسك الحج وكانت السفينة تحمل ايضا 220 سيارة على متنها.
  

على فكره ده الحوادث اللى اقدرت اجمعها النهارده -مش كل الاحزان
مسلسل الاحزان ملوش نهايه -الا بنهايه الظلم و الظالم

يعنى اتقتلنا بر و بحر و جو
مش فاضل حاجه تانيه
او يمكن تحت الارض (استر يا رب على المترو)
وفى النهايه
ربنا لا تؤاخذنا بما فعل السفهاء منا
حسبنا الله و نعم الوكيل
مهندس جعان

جزء من قصيده (مهندس جعان)

ده جزء من قصيده مهندس جعان التى بدأتها من سنتين و لسه مخلصتش
و بتهيألى مش هتخلص لسبب انها تدوين للمواقف المهمه فى حياتى
طبعا و قطعا مقدرش انشرها كلها علشان هتبقى مصيبه
دى فيها بلاوى بس ممكن ابقى انشرها بعد 25 سنه علشان الاشخاص و الاحداث المذكوره فيها
يعنى تابع المدونه 25 سنه و ان شاء الله هتلاقيها
ده جزء صغير منها بعد حذف ما يلزم ...

ورضيت بحكم النصيب

لكن نصيبى تاه

و ضعنا من بعضنا

ولا عمرى يوم انساه

كانت حياتى وبعدها

مبقتش حاسس معنى حياه

كانت نهايه و دلوقتى

شيء مستحيل القاه

كانت بتفهم اناتى

كانت بتخلق بسماتى

كانت بطلتى فى حكاياتى

كانت حكايه عمرى

الماضى والاتى

كانت بتفهم كل حاجه بنظراتى

كانت بتسمع كل حاجه بقولها

حتى فى سكاتى

كانت بتسكن جوايا

كانت بتجرى فى دمى

تفرح و تحزن

من فرحى ومن همى

كان صوتها نسمه

فى عز الحر بتهون

و عليها ضحكه

تخلى حياتى تتلون

بصرخ بعلوالصوت بحبك

يا تاريخ دوون

كانت بتخفى هموما عنى

تخاف لذرة حزن جوا قلبى تتكون

كانت بتفرح بصوت عالى تفرحنى

كانت تخاف من كلمه

غصب عنها تجرحنى

****************************
رحم الله الفقيده


مهندس جعان

اضحك شويه

صعيدي قالوله بكره عيد الحب قال : يوووه ايه الورطة دى! وده صلاته ازاي
مين أكثر إنسان صابر في الدنيا؟؟؟ صعيدي ينتظر إليسا علي قناة إقرأ
واحد أعمى فتح من الفرحة اتشل
قررت هيفا وهبي تقديم فوازير رمضان قبل الفطور عملا بمبدأ : من فطر صائما كان له مثل اجره
اتنين صعايدة بيلعبوا شطرنج, الأول كل للتاني الحصان, التاني سمله البهايم
واحد ندل اشتغل في المطافى عبا حنفيات الحريق بنزين
محشش بيتصل بالمطافى: إيه يا جماعة؟ إذا ماكانش فى حريقة ماحدش يشوفكوا

ملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.

مرة واحد سعودي لقى مصباح علاء الدين دعكه طلعله الجني قاله شبيك لبيك تطلب ايه: قاله: طلعلي كل المصريين من السعوديه فالجني قاله: ليه بس يا عم احنا عملنالك حاجه

صومالى ركبه عفريت العفريت مات من الجوع

اخر نكته بس للاسف بايخه

تحت شعار هتحلل هتحلل
برعايه الحبه الزرقاء

بيقولك ان من اول اغسطس اللى شرف من يومين على ما افتكر

ان هيبقى فيه فحوصات و محوصات للمقبلين على عقد القران اللى هو ( كتك الكتاك)

وزى ما بيقولوا انه هيبقى فحص للراجل و المرأه
قال ايه
"أن الفحوصات تشمل تحاليل الإيدز والفيروسات الكبدية بأنواعها الثلاثة، والأمراض الوراثية مثل السكري، إضافة لفحص رحم الزوجة بأشعة الموجات فوق الصوتية وفحص السائل المنوي للزوج للوقوف على قدرة كل منهما على الإنجاب"
بصراحه احلى نكته سمعتها بس للأسف بايخه طحن
واتفرج على الفضايح بقى و الجوازات اللى هتتفركش و منتهى الاحراج وقله الذوق
طب ما فى حاجه احسن من كده
قبل كتب الكتاب يعملوا بروفه للحياه مع بعض
وطبعا لازم يبقى تحت اشراف القضاء لضمان عدم تزوير الانتخابات قصدى الموضوع ده
يادى النيله هنروح فى داهيه المهم
ويبقى فيه عدد من المحكمين اللى يتابع حياتهم مع بعض لمده لا تقل عن اسبوع ولا تزيد عن شهر
و يتاخد الرأى بالاجماع هل ينفع مدحت يتجوز فوزيه ولا مينفعش
ويمكن لمدحت الطعن على الحكم امام محكمه الاسره (فرع المحاكاه الزوجيه )
واهى برده فوزيه هتجرب بنفسها و مدحت يجرب نفسه برده علشان يبقوا مطمنين انهم بيعرفوا
قصدى بيعرفوا يفهموا بعض (محدش شيطانه ياخده لبعيد ويفتكر انى قصدى حاجه تانيه )
ويبقى كده عملنا اللى علينا و يبقى عقد القران بحكم نهائى من المحكمه لا يجوز الطعن عليه او استشكال الحكم

ولنسبه بقى للتحاليل و انوعها مش هقدر اتكلم عليها
علشان المدونه دى طاهره و هتفضل طاهره (اطول فتره ممكنه)
وفى النهايه هيسخطوك يا قرد قال هيعملونى ايه!!!!
وقالوا لفرعون ايه فرعنك قال ملقتش حد يحلل لى

وعموما لو طلع الكلام ده حقيقى
انا بقى عارف ايه اللى هيحصل
ببساطه هتدفع قرشين و تمشى حالك و يطلعلك تقرير انك عنتره ابن شداد فى زمانه
وعليها ختم النسر وش وظهر كمان
و لو عايز يختمولك ختم النسر على الحيوانات المنويه حيوان حيوان هتختمها
وكمان لو عايز تطلع شهاده الايزو للجوده هتطلعها
بس افتح الكيس و شخشخ جيبك
وكله بيقضى

كان معكم مهندس جعان
الساعه الحاديه عشر بتوقيت القاهره
وعلى المقيمين خارجها مراعاه فروق التحاليل

شويه هندسه 2

شويه برامح نسخ كامله
الجزء الاول
الجزء الثانى
الجزء الثالث
مكتبه كتب هندسه مدنيه